Գործունեության կոդեր

Այս ենթադասը ներառում է ճամփորդությունների, էքսկուրսիաների, զբոսաշրջային շրջապտույտների (տուրերի) կազմակերպմանն ուղղված զբոսաշրջային օպերատորների գործունեությունը, ներառյալ տրանսպորտով և կացարաններով ապահովումը, այդ թվում` մասնավոր հատվածում, թանգարանների, պատմական վայրերի, ներկայացումների այցելությունները: Այս ենթադասում ներառված զբոսաշրջային ծառայությունները կարող են մատուցվել անմիջական զբոսաշրջային օպերատորների, ինչպես նաև միջնորդի` զբոսաշրջային գործակալությունների միջոցով:

Այս ենթադասը ներառում է ինտերնետով կամ փոստով ապրանքների մանրածախ առևտուրը, երբ գովազդային հայտարարությունների, կատալոգների, ցուցադրված նմուշների, Web կայքերում տեղադրված տեղեկատվության և այլ միջոցներով գնորդն ընտրում է ապրանքը և, համաձայն կատարված պատվերների (ինտերնետի դեպքում գնումը կատարվում է կայքում համապատասխան նշումներով), գնված ապրանքներն առաքվում են անմիջական գնորդին։ Այս ենթադասը ներառում է` - ցանկացած ապրանքների մանրածախ առևտուր փոստային առաքումների միջոցով - ցանկացած ապրանքների մանրածախ առևտուր ինտերնետի միջոցով - ապրանքների վաճառք ինտերնետ-աճուրդների կամ խանութներից դուրս անցկացվող այլ աճուրդների (մանրածախ) միջոցով: Բացառվում է` - ավտոմեքենաների, ավտոպահեստամասերի և պարագաների մանրածախ առևտուրը ինտերնետով, տես 45.1, 45.3 - մոտոցիկլների և մոտոցիկլների մասերի մանրածախ առևտուրը ինտերնետով, տես 45.40