Գործունեության կոդեր

Այս ենթադասը ներառում է` - մարդատար ավտոմոբիլների և թեթևաքաշ փոխադրամիջոցների (3,5 տ չգերազանցող քաշով) վարձույթ և լիզինգ առանց վարորդի: Բացառվում է` - մարդատար ավտոմոբիլների և թեթևաքաշ փոխադրամիջոցների (3,5 տ չգերազանցող քաշով) վարձույթ և լիզինգ վարորդով, տես 49.32

Այս ենթադասը ներառում է` - բեռնատար մեքենաների, քարշակների, կցանքների, ծանրաքաշ փոխադրամիջոցների (3,5 տ գերազանցող քաշով) վարձույթ և լիզինգ առանց վարորդի - ճամփորդական փոխադրամիջոցների (հանդերձված ննջատեղերով, խոհանոցով, զուգարանով և այլ) վարձույթ և լիզինգ առանց վարորդի: Բացառվում է` - բեռնատար մեքենաների, ծանրաքաշ փոխադրամիջոցների վարձույթը և լիզինգը վարորդով, տես 49.41

Այս ենթադասը ներառում է` - զվարճանքի և սպորտի պարագաների` զբոսանավակների, հեծանիվների, ննջաթոռների ու հովանոցների (այդ թվում` լողափի), այլ սպորտային սարքավորանքի, դահուկների վարձույթ: Բացառվում է` - զբոսաշրջության նավերի և առագաստանավերի վարձույթը, անձնակազմով, տես 50.10, 50.30 - տեսաերիզների և տեսասկավառակների վարձույթը, տես 77.22 - ուրիշ խմբավորումներում չներառված այլ կենցաղային և անձնական պարագաների վարձույթը, տես 77.29 - հանգստի և զվարճության վայրերի մաս կազմող սարքավորանքի վարձույթը, տես 93.29

Այս ենթադասը ներառում է` - տեսաերիզների, սկավառակների և համանման արտադրատեսակների վարձույթ

Այս ենթադասը ներառում է` - տնային տնտեսությունների, կազմակերպությունների և արդյունաբերական կազմակերպությունների համար բոլոր այլ արտադրատեսակների (բացի զվարճանքի և սպորտի պարագաներից) վարձույթ և լիզինգ` մանածագործական արտադրատեսակների, հագուստի, կոշիկի, կահույքի, խեցուց և ապակուց արտադրատեսակների, խոհանոցային և ապակե սպասքի, էլեկտրասարքերի և տան կահ-կարասիի, ոսկերչական արտադրատեսակների, երաժշտական գործիքների, թատերական բեմանկարների և զգեստների, գրքերի, թերթերի և ամսագրերի, արտադրատեսակների ինքնուրույն պատրաստման համար (որպես նախասիրություն), այդ թվում` տան, բնակարանի նորոգման համար մեքենաների և սարքավորանքի, ծաղիկների և մշակաբույսերի, կենցաղային նշանակության էլեկտրոնային սարքավորանքի: Բացառվում է` - մարդատար ավտոմոբիլների, թեթևաքաշ փոխադրամիջոցների, բեռնատար մեքենաների, քարշակների, կցանքների վարձույթը և լիզինգը առանց վարորդի, տես 71.1 - զվարճանքի և սպորտի պարագաների վարձույթը և լիզինգը, տես 77.21.0 - տեսաերիզների և տեսասկավառակների վարձույթը, տես 77.22.0 - գրասենյակային կահույքի վարձույթը, տես 77.33.0 - մոտոցիկլների և բնակելի ճամփորդական մեքենաների վարձույթը առանց վարորդի, տես 77.39.0 - բանվորական հագուստի, սպիտակեղենի և համանման արտադրատեսակների վարձույթը լվացքատներում, տես 96.01.0

Այս ենթադասը ներառում է` - գյուղատնտեսական և անտառային տնտեսության մեքենաների և սարքավորանքի վարձույթ և գործառնական լիզինգ առանց գործարկուի (օպերատորի) - 28.30 դասում ներառված սարքավորանքի, ինչպիսիք են գյուղատնտեսական տրակտորները և այլ մեքենաների և սարքավորանքի վարձույթ, առանց գործարկուի (օպերատորի): Բացառվում է` - գյուղատնտեսական և անտառային տնտեսության մեքենաների և սարքավորանքի վարձույթը գործարկուով (օպերատորով), տես 01.61, 02.40

Այս ենթադասը ներառում է` - շինարարական մեքենաների և սարքավորանքի, այդ թվում` ամբարձիչ կռունկով բեռնատարները, վարձույթ և գործառնական լիզինգ առանց գործարկուի (օպերատորի) - շինարարական փայտամածերի, լաստակների վարձույթ, առանց տեղադրման և հավաքակցման: Բացառվում է` - շինարարական մեքենաների և սարքավորանքի վարձույթը գործարկուով (օպերատորով), տես 43

Այս ենթադասը ներառում է` - գրասենյակային մեքենաների և սարքավորանքի` համակարգիչների և համակարգչային ծայրամասային սարքավորանքի, պատճենահան-բազմացնող մեքենաների, գրամեքենաների, տեքստերի մշակման մեքենաների, հաշվապահական մեքենաների և սարքավորանքի (դրամարկղային սարքերի, էլեկտրոնային հաշվասարքերի և այլ), գրասենյակային կահույքի վարձույթ և լիզինգ առանց գործարկուի (օպերատորի)

Այս ենթադասը ներառում է` - ջրային տրանսպորտային միջոցների և սարքավորանքի` առևտրային նավերի և համանման ջրային տրանսպորտային միջոցների վարձույթ և լիզինգ առանց անձնակազմի: Բացառվում է` - ջրային տրանսպորտային միջոցների և սարքավորանքի վարձույթը անձնակազմով, տես 50 հատվածը - զբոսանավակների վարձույթը, տես 77.21.0

Այս ենթադասը ներառում է` - օդային տրանսպորտային միջոցների և սարքավորանքի` ինքնաթիռների, տաք օդով օդապարիկների և այլն, վարձույթ և լիզինգ առանց անձնակազմի: Բացառվում է` - օդային տրանսպորտային միջոցների և սարքավորանքի վարձույթը անձնակազմով, տես 51 հատվածը

Այս ենթադասը ներառում է` - արդյունաբերության ոլորտում որպես արտադրական միջոցներ շահագործվող այլ մեքենաների և սարքավորանքի` շարժիչների և տուրբինների, հաստոցների, լեռնագործական և նավթարդյունահանման ոլորտներում շահագործվող մեքենաների և սարքավորանքի, կապի և մասնագիտական ռադիոհեռուստատեսության, կինոֆիլմերի արտադրության սարքավորանքի, ստուգիչ-չափիչ սարքավորանքի, գիտական, առևտրային և արդյունաբերական նշանակության այլ մեքենաների վարձույթ և լիզինգ առանց գործարկուի (օպերատորի) - ցամաքային տրանսպորտային միջոցների (բացի ավտոմեքենաներից) և սարքավորանքի` մոտոցիկլների, ավտոֆուրգոնների, բնակելի ճամփորդական մեքենաների, կցանքների վարձույթ և լիզինգ առանց վարորդի - բեռնարկղերի (կոնտեյներների) վարձույթ - բեռնահարթակների վարձույթ - բնակելի կամ գրասենյակային բեռնարկղերի (կոնտեյներների) վարձույթ - կենդանիների (նժույգների, կենդանիների հոտի) վարձույթ: Բացառվում է` - հեծանիվների վարձույթը, տես 77.21.0 - գյուղատնտեսական և անտառային տնտեսության մեքենաների և սարքավորանքի վարձույթը և լիզինգը, տես 77.31 - շինարարական մեքենաների և սարքավորանքի վարձույթը և լիզինգը, տես 77.32 - գրասենյակային մեքենաների և սարքավորանքի, ներառյալ հաշվողական տեխնիկան, վարձույթը և լիզինգը, տես 77.33

Այս ենթադասը ներառում է գործունեություն, որն այլ անձանց թույլ է տալիս օգտագործել մտավոր սեփականությունը և համանման արտադրանքը, վճարելով այդ արտադրանքի սեփականատերերին փոխհատուցումը կամ լիցենզիոն վճարները (օրինակ` բնական պաշարների շահագործման իրավունքի համար վճարումներ): Այդ տեսակի արտադրանքի լիզինգը կարող է լինել տարբեր ձևերի` վերարտադրման (պատճենահանման) թույլտվություն, գործունեության (արտադրության) ընթացքում նորարարությունների կիրառում (օրինակ` նոր տեխնոլոգիաների), ֆրանչայզինգի պայմաններով արտադրական գործունեության իրականացում և այլն: Մտավոր սեփականության օգտագործման իրավունքի սեփականատերը պարտադիր չէ, որ լինի այդ արտադրանքի հեղինակը: Այս ենթադասը ներառում է` - մտավոր սեփականության լիզինգ, բացի հեղինակային իրավունքով պաշտպանված աշխատանքների` գրքերի, ֆիլմերի, ծրագրային ապահովման - փոխհատուցումների կամ լիցենզիոն վճարումների ստացում արտոնագրված մշակումների, նոր տեխնոլոգիաների և այլ մտավոր սեփականության, ապրանքանիշերի, ֆիրմային նշանների (բրենդերի), օգտակար հանածոների հետազոտությունների արդյունքների և գնահատականների, ֆրանչայզինգի պայմանագրերով նախատեսված և համանման արտադրանքի օգտագործման իրավունքի համար: Բացառվում է` - հրատարակության իրավունքի ձեռքբերումը, տես 58 և 59 հատվածները - հեղինակային իրավունքով պաշտպանված աշխատանքների` գրքերի, ֆիլմերի, ծրագրային ապահովման թողարկումը, բազմացումը և տարածումը տես 58 և 59 հատվածները - անշարժ գույքի հանձնումը վարձակալության, տես 68.2 - գույքի (նյութական առարկաների) վարձույթը, տես 77.1, 77.2, 77.3

Այս ենթադասը ներառում է թափուր պաշտոնների լրացման համար ցուցակների կազմում, հավակնորդների ընտրում և աշխատանքի տեղավորում՝ - անձնակազմի ընտրություն, թափուր պաշտոնների ցուցակների կազմում, թեկնածուների ընտրում և ըստ աշխատատեղերի բաշխում - աշխատանքի տեղավորման նպատակով հավակնորդների ընտրում և թեսթավորում - դերասանների ստուգման և ընտրությամբ զբաղվող գործակալությունների գործունեություն - անձնակազմի աշխատանքի տեղավորումն օտարերկրյա պետությունում: Բացառվում է` - անհատ դերասանների անունից գործող թատերական գործակալների և գործակալությունների գործունեությունը, տես 74.90

Այս ենթադասը ներառում է ժամանակավոր աշխատանքի կատարման համար կապալային հիմունքներով կազմակերպություններին վարձու աշխատուժով ապահովող գործակալությունների գործունեությունը, որոնք և վարձատրում են կատարված աշխատանքի համար: Այստեղ դասակարգվող միավորները չեն իրականացնում տեղում աշխատանքի անմիջական հսկումը:

Այստեղ դասակարգվող միավորները պոտենցիալ գործատուներին առաջարկում են ծառայողական հրահանգներով, ֆինանսական հաշվետվություններով, վճարացուցակներով և ծագած այլ հարցերով զբաղվող հնարավոր ծառայողներին, իրականացնում են բարձր որակավորման կադրերի փնտրում և տեղավորում աշխատանքի: Այստեղ դասակարգվող միավորները ապահովում են պատվիրատուին աշխատուժով սովորաբար երկար ժամկետով կամ հիմնական հիմունքներով, բայց պատասխանատու չեն աշխատանքի կառավարման և հսկման համար: Բացառվում է` - կազմակերպություններում աշխատանքային ռեսուրսների կառավարման հետ կապված գործունեությունը, որը դասակարգվում է տնտեսական գործունեության տեսակներին համապատասխան դասերում - ժամանակավոր աշխատուժով ապահովման գործունեությունը, տես 78.20.0

Այս ենթադասը ներառում է ճամփորդությունների, էքսկուրսիաների, կազմակերպված շրջապտույտների (տուրերի) մանրածախ և մեծածախ վաճառքը (անհատական կամ խմբային տուրեր) զբոսաշրջային գործակալությունների կողմից, ներառյալ տրանսպորտով և կացարաններով ապահովումը, այդ թվում` մասնավոր հատվածում:

Այս ենթադասը ներառում է ճամփորդությունների, էքսկուրսիաների, զբոսաշրջային շրջապտույտների (տուրերի) կազմակերպմանն ուղղված զբոսաշրջային օպերատորների գործունեությունը, ներառյալ տրանսպորտով և կացարաններով ապահովումը, այդ թվում` մասնավոր հատվածում, թանգարանների, պատմական վայրերի, ներկայացումների այցելությունները: Այս ենթադասում ներառված զբոսաշրջային ծառայությունները կարող են մատուցվել անմիջական զբոսաշրջային օպերատորների, ինչպես նաև միջնորդի` զբոսաշրջային գործակալությունների միջոցով:

Այս ենթադասը ներառում է` - հյուրանոցներում, ռեստորաններում, հասարակական և անհատական տրանսպորտում տեղերի, մշակութային, սպորտային և այլ միջոցառումների համար տոմսերի ամրագրման ծառայություններ - թայմ-շեր (time-share) ծառայությունների (որոշակի ժամանակահատվածում անշարժ գույքից օգտվելու իրավունքի ձեռքբերում) փոխանակություն - սպորտային, զվարճալի, մշակութային միջոցառումների համար տոմսերի ապահովում - զբոսաշրջային ծառայությունների սպառողներին օգնության ցուցաբերում` էքսկուրսիաների, ճամփորդությունների վերաբերյալ տեղեկատվության տրամադրում, խորհրդատվություններ, այդ թվում` անհատական երթուղիների կազմման և այլ, զբոսավարների և ուղեկցող անձանց ծառայություններ - զբոսաշրջության զարգացման և աջակցությանն ուղղված գործունեություն: Բացառվում է` - զբոսաշրջային գործակալությունների և զբոսաշրջային օպերատորների գործունեությունը, տես 79.11, 79.12.0 - գիտաժողովների, վեհաժողովների և համանման միջոցառումների կազմակերպումը և անցկացումը, տես 82.30

Այս ենթադասը ներառում է դրամի, թանկարժեք իրերի հավաքումը և տեղափոխումը զրահապատ մեքենաներով, հատուկ ուսուցում անցած անձնակազմի միջոցով և սարքավորանքի կիրառմամբ` փոխադրման ընթացքում անվտանգությունն ապահովելու համար: Բացառվում է` - հասարակական կարգի և անվտանգության ապահովման գործունեությունը, տես 84.24.0

Այս ենթադասը ներառում է` - թիկնապահների ծառայություններ - «ստի դրսևորիչ»-ի կիրառում - մատնատպության անցկացում - պահակախմբերի, պարեկների, պահակների ծառայություններ: Բացառվում է` - հասարակական կարգի և անվտանգության ապահովման գործունեությունը, տես 84.24.0

Այս ենթադասը ներառում է` - հեռակառավարում և վերահսկում անվտանգության էլեկտրոնային համակարգերի միջոցով, այդ թվում` հակաջարդիչ և հակահրդեհային համակարգերը, ներառյալ դրանց տեղադրումը և սպասարկումը - մեխանիկական կամ էլեկտրոնային բլոկավորող սարքերի, անկիզելի պահարանների և հուսալի պահեստարանների տեղադրում, նորոգում և սպասարկում Այս ծառայությունները մատուցող միավորները կարող են իրականացնել նաև նշված անվտանգության համակարգերի և սարքերի վաճառք: Բացառվում է` - շենքերի և համանման կառույցների մաս կազմող անվտանգության համակարգերի հավաքակցումը, տես 43.21 - անվտանգության համակարգերի մանրածախ առևտուրը, տես 47.59 - հասարակական կարգի և անվտանգության ապահովումը, տես 84.24 - բանալիների կրկնակներով ապահովումը, տես 95.29

Այս ենթադասը ներառում է բոլոր տեսակի շենքերի ներքին տարածքների պատշաճ վիճակում պահպանման համալիր սպասարկումը` ներքին տարածքների մաքրումը և հավաքումը, աղբի հեռացումը, բույսերի խնամքը, ջեռուցման և օդափոխման համակարգերի հսկումը, շենքի ներսում հասարակական կարգի պահպանումը, փոստի բաշխումը, այցելուների և հաճախորդների ընդունման, հանդիպման կազմակերպումը, ուղեկցումը, ներքին կահավորության պարագաների մաքրումը, լվացքը, հանդերձարանների ծառայությունները և սպասարկման համանման գործունեությունը: Բացառվում է` - սպասարկման մեկ տեսակի ծառայության մատուցումը, օրինակ` ընդհանուր մաքրման աշխատանքները կամ ջեռուցման և օդափոխման համակարգերի սպասարկումը և այլ (դասակարգվում են համապատասխան դասերում) - համակարգչային համակարգերի կառավարումը և շահագործումը, տես 62.03 - ռեստորանների, հիվանդանոցների, համանման կազմակերպությունների կառավարումը, վերելակների շահագործումը (դասակարգվում է համապատասխան դասերում) - վարձատրությամբ կամ պայմանագրային հիմունքով ուղղիչ հաստատությունների կառավարումը, տես 84.23

Այս ենթադասը ներառում է` - բոլոր տեսակի շենքերի, այդ թվում` հիմնարկների, գրասենյակների, գործարանների, խանութների, ինստիտուտների, այլ առևտրային և մասնագիտական կազմակերպությունների, ներքին տարածքների, բազմաբնակարան բնակելի շենքերի ընդհանուր օգտագործման տարածքների ընդհանուր (ոչ մասնագիտացված) մաքրում - միջանցքների, լուսամուտների մաքրում: Բացառվում է` - մասնագիտացված հարդարումը, տես 81.22.0

Այս ենթադասը ներառում է` - բոլոր տեսակի շենքերի, այդ թվում` հիմնարկների, գրասենյակների, գործարանների, խանութների, ինստիտուտների, այլ առևտրային և մասնագիտական կազմակերպությունների, բազմաբնակարան բնակելի շենքերի արտաքին մաքրում - մաքրման մասնագիտացված ծառայությունների մատուցում` լուսամուտների, ծխնելույզների, բուխարիների, վառարանների, օդափոխման հորանների, աղբայրոցների, ջրաջեռուցիչների (բոյլերների), արտանետիչ խողովակների մաքրում - արդյունաբերական սարքավորանքի մաքրում - շենքերի, այդ թվում` արդյունաբերական սարքավորանքով, այլ մաքրման աշխատանքներ, չներառված ուրիշ խմբավորումներում: Բացառվում է` - գոլորշիով, ավազով և համանման եղանակներով շենքերի ճակատների հարդարումը, տես 43.99

Այս ենթադասը ներառում է` - լողավազանների մաքրում և սպասարկում - գնացքների, ավտոբուսների, ինքնաթիռների և այլնի մաքրում - ցիստեռնների և լցանավերի մաքրում - շենքերի, նավերի, գնացքների և այլ տարածքների ախտահանում, միջատազերծում, կրծողների ոչնչացում - շշերի լվացում - փողոցների ավլում, ձյունից և սառույցից մաքրում - հասարակական զուգարանների շահագործում - այլ մաքրման աշխատանքներ, չներառված ուրիշ խմբավորումներում: Բացառվում է` - կրծողների դեմ պայքարը գյուղատնտեսությունում, տես 01.61 - կենսազուգարանների սպասարկումը, տես 37.00.0 - ավտոմեքենաների լվացումը և մաքրումը, տես 45.20

Այս ենթադասը ներառում է` - քամուց, աղմուկից, աղտոտումից պաշտպանելու նպատակով ծառերի, թփերի տնկում, բնատեսարանի բարեկարգում - շենքերի ճակատների, տանիքների, փոքրիկ ներքին բակերի կանաչապատում - սպորտային հրապարակների, հանգստի գոտիների ու խաղահրապարակների և համանման տարածքների կանաչապատում - ջրային ավազանների` լճակների, ջրանցքների, լողավազանների, առվակների, գետերի ափերի կանաչապատում - ավտոմոբիլային ճանապարհների, մայրուղիների, երկաթուղային կայարանների և օդանավակայանների տարածքների կանաչապատում - զբոսայգիների, պուրակների, պարտեզների, պետական և մասնավոր բնակելի շենքերի, հասարակական կառույցների (դպրոցների, հիվանդանոցների, հիմնարկների և այլ), արդյունաբերական և առևտրային կազմակերպությունների տարածքների, համայնքային սեփականություն հանդիսացող այգիների, կանաչ տարածքների, գերեզմանատների և այլ տարածքների կանաչապատում, բարեկարգում, պահպանում: Բացառվում է` - գյուղատնտեսական նպատակներով ծառերի և բույսերի տնկումը, տես 01 և 02 հատվածները - ծառերի տնկարանների, անտառատնկարանների գործունեությունը, տես 01.30.1, 02.10.0 - գյուղատնտեսական հողերի բարելավումը, տես 01.61 - շինարարական օբյեկտների ավարտի հետ կապված տարածքի բարեկարգումը, տես F բաժինը - ճարտարապետության բնագավառում գործունեությունը, բնապատկերային հատակագծումը, տես 71.11

Այս ենթադասը ներառում է առևտրային միավորին վարչարարական ծառայությունների մատուցումը` այցելուների և հաճախորդների ընդունման, հանդիպման կազմակերպումը, ուղեկցումը, ֆինանսական պլանավորումը, հաշվապահական մատյանների վարումը, կադրերի բաժնի գործունեությունը, թղթակցության մշակումը և այլ, վարձատրությամբ կամ պայմանագրային հիմունքով: Բացառվում է` - առանձին ծառայությունների մատուցումը, դասակարգվում է համապատասխան գործունեության տեսակի դասում - նշված ծառայությունները մատուցող անձնակազմի ընտրության գործունեությունը, տես 78 հատվածը

Այս ենթադասը ներառում է լուսապատճենումը (ոչ մեծ քանակով), փաստաթղթերի պատրաստումը և համանման այլ օժանդակ գործունեությունը՝ - փաստաթղթերի պատրաստում - փաստաթղթերի, նամակների, գրությունների սրբագրում և խմբագրում - տեքստերի մշակում, տպում, բազմացում - փաստաթղթերի լուսապատճենում և այլ տեսակի պատճենահանում - թղթակցության, այդ թվում` գովազդային նյութերը, առաքման ծառայություններ` նամակների դասավորում ծրարներում, ծրարների վրա հասցեների նշում, հասցեատերերի ցուցակի կազմում, վերահասցեավորում և այլ - գործավարական այլ ծառայություններ: Բացառվում է` - տպագրական գործունեությունը, տես 18.12 - նախատպագրական և տպագրական գործունեությանն առնչվող ծառայությունները, տես 18.13 - փոստային գովազդային միջոցառումների կազմակերպումը և իրագործումը, տես 73.11 - սղագրուհիների գործունեությունը, տես 82.99.0 - սղագրության բնագավառում մասնագիտացված գործունեությունը, տես 82.99.0 - թարգմանչական գործունեությունը, տես 74.30.0

Այս ենթադասը ներառում է` - հեռախոսային տեղեկատու կենտրոնների ծառայություններից օգտվողների սպասարկում, այդ թվում` ինքնապատասխանիչով (համակարգչի և հեռախոսի զուգակցում) պատասխանները` գործարկուների (օպերատորների) միջոցով օգտվողների հետ հաղորդակցում, հարցումների սպասարկում, պատվերների ավտոմատ տեղաբաշխում, տեղեկատու տեղեկատվության տրամադրում, բողոքների մշակում, հասցեների ճշգրտում - ապրանքների և ծառայությունների սպառման շուկաների ուսումնասիրության, հնարավոր նոր գնորդների ներգրավման, տարբեր խնդիրների վերաբերյալ հասարակական կարծիքի ուսումնասիրման և համանման այլ նպատակների համար հեռախոսային տեղեկատու կենտրոնների կողմից ծառայությունների մատուցում

Այս ենթադասը ներառում է վեհաժողովների, համագումարների, մասնագիտացված ցուցադրական սրահների (ավտոմեքենաների, ինքնաթիռների և այլ), տնտեսական ցուցահանդեսների (բացի ցուցահանդես-վաճառքի) կազմակերպումը, անձնակազմի տրամադրմամբ (կամ առանց անձնակազմի տրամադրման)` նշված միջոցառումների համար հատկացված շենքերի և տարածքների կառավարման նպատակով: Բացառվում է` - առևտրի իրականացման վայրի կազմակերպումը, տես 82.30.2

Այս ենթադասը ներառում է առևտրի իրականացման վայրի` առևտրի կենտրոնների, սպառողական ապրանքների շուկաների, գյուղատնտեսական մթերքի և կենդանի կենդանիների շուկաների, տոնավաճառների (վերնիսաժների), ցուցահանդես-վաճառքի և այլ առևտրի կետերի կազմակերպչի գործունեությունը: Առևտրի իրականացման վայրի կազմակերպիչը ապահովում է առևտրի տարածքը համապատասխան առևտրատեխնոլոգիական սարքավորումներով, ստուգիչ չափման միջոցներով, առևտրի պատշաճ կազմակերպման համար այլ պարագաներով, գյուղատնտեսական շուկաներում` մթերքի որակի ստուգման համար սարքավորված լաբորատորիաների գործումը և համապատասխան օրենքներով նախատեսված այլ պայմանների պահպանումը:

Այս ենթադասը ներառում է հարսանիքների, հանդիսավոր միջոցառումների համար սրահների տրամադրումը, հարսանիքների, հանդիսավոր միջոցառումների կազմակերպման գործունեությունը:

Այս ենթադասը ներառում է` - ըստ մուրհակների, պայմանագրերի, լիազորագրերի և այլ հաշիվների վճարների գանձում - մասնավոր անձի կամ կազմակերպության ֆինանսական վիճակի կամ առևտրային գործունեության հետ կապված վճարունակության գնահատում, վարկային գործառնությունների վերաբերյալ հաշվետվությունների կազմում

Այս ենթադասը ներառում է փաթեթավորման բնագավառում գործունեությունը, որն իրականացվում է վարձատրությամբ կամ պայմանագրային հիմունքով՝ - տարբեր ապրանքների փաթեթավորում (փայլաթիթեղով, սրվակներում, անոթներում) - հեղուկների (ներառյալ խմիչքները և սննդամթերքը) շշալցում կամ տարալցում - մսի, մսամթերքների, կարագի կշռածրարում - դեղագործական ապրանքների կշռաբաշխում, անվտանգության կանոնների պահպանմամբ - պիտակների ամրակցում, դրոշմակում և դրոշմատպում - նվերների, փաթեթների փաթեթավորում : Բացառվում է` - զովացուցիչ խմիչքների և հանքային ջրերի արտադրությունը, տես 11.07 - բեռնափոխադրումների հետ կապված փաթեթավորման գործունեությունը, տես 52.29

Այս ենթադասը ներառում է` - սղագրության ծառայություններ, այդ թվում` սղագրուհիների գործունեությունը - մագնիսական ժապավենների կամ սկավառակների գրառումների վերծանում - ուղիղ եթերով հեռարձակվող հաղորդումների ընթացքում «իրական ժամանակի» ռեժիմում ենթագրերի տեղադրում - գծիկային կոդի գծանշում - վարձատրությամբ կամ պայմանագրային հիմունքով դրամահավաքի իրականացում - գույքի տնօրինման իրավունքի վերականգնման գործառույթներ - անկախ գնահատողների գործունեություն - փողոցներում, հրապարակներում ավտոմեքենաների կայանման համար վճարի գանձում - վարձատրությամբ կամ պայմանագրային հիմունքով վարորդական իրավունքների տրամադրում - լրացուցիչ այլ գործունեություն, չներառված ուրիշ խմբավորումներում: Բացառվում է` - կինոֆիլմերի, տեսաերիզների և հեռուստատեսային ծրագրերի ավարտական մշակումը, տես 59.12.0 - լուսապատճենումը, պատճենումը, տես 82.19.0