Գործունեության կոդեր

Այս ենթադասը ներառում է՝ - ՀՀ արժույթի թողարկում, դրամաշրջանառության կազմակերպում և կարգավորում - ՀՀ դրամավարկային քաղաքականության մշակում և իրականացում - ՀՀ կառավարության բանկային սպասարկում, ֆինանսական գործակալական և խորհրդատվական ծառայություններ - ՀՀ բանկերին վերջին ատյանի վարկատու - բանկերի (նաև օրենքով նախատեսված դեպքում՝ այլ անձանց) լիցենզավորում, դրանց գործունեության կարգավորում և վերահսկում - վճարահաշվարկային համակարգի գործունեության կարգավորում և վերահսկում - ՀՀ միջազգային պահուստների տիրապետում, օգտագործում և տնօրինում - Արժույթի Միջազգային Հիմնադրամի հետ գործառնությունների իրականացում

Այս ենթադասը ներառում է նաև` - փոստային փոխադրագրային հաշվարկների (ժիրոհաշվարկների) և այլ ծառայությունների մատուցում խնայողական բանկերի կողմից

Այս ենթադասը ներառում է` - բնակարանների ձեռք բերման համար վարկերի տրամադրում, ավանդների ընդունում և տեղաբաշխում իրականացնող մասնագիտացված կազմակերպությունների գործունեություն - դրամական փոխանցումների հետ կապված գործունեություն: Բացառվում է` - բնակարանների ձեռքբերման համար վարկերի տրամադրման մասնագիտացված կազմա­կերպությունների գործունեությունը, որոնք չեն իրականացնում ավանդների ընդունում և տեղաբաշխում, տես 64.92.9 - առևտրային գործառնությունների հետ կապված վարկային քարտերի մշակումը և կարգավորումը, տես 66.19.0

Այս ենթադասը ներառում է հոլդինգ ընկերությունների գործունեությունը` որպես վերահսկիչ փաթեթի սեփականատեր դուստր միավորումների կամ կազմակերպությունների ակտիվների տնօրինումը, ապահովելով այդ միավորումների կամ կազմակերպությունների կառավարումը և հսկումը: Այս ենթադասում դասակարգվող հոլդինգ ընկերությունները չեն իրականացնում վարչարարակառավարչական գործառույթներ այն առևտրային կազմակերպությունների նկատմամբ, որտեղ այդ ակտիվները ներգրավված են և չեն կառավարվում այլ միավորների կողմից: Բացառվում է` - այլ կազմակերպությունների կամ միավորումների գործունեության հսկումը և կառավարումը, ռազմավարական և կազմակերպական պլանավորումը, տես 70.10

Այս ենթադասը ներառում է արժեթղթերի և այլ ֆինանսական ակտիվների տարաբաշխման համար կազմավորված իրավաբանական անձանց գործունեությունը (բացի կառավարման ծառայությունների մատուցումը)` բաժնետերերի և վարկերից օգուտ ստացող անձանց (բենեֆիցիարների) անունից: Ֆինանսական կապիտալի տարաբաշխումը իրականացնելիս հաշվի են առնվում ներդրումների որոշակի բնութագրիչները` բազմազանեցումը (ներդրումների բաշխումը տարբեր ֆինանսական գործիքների միջև` ռիսկայնության նվազեցման նպատակով), ռիսկերը, եկամտաբերության մակարդակը, գների տատանումները: Այս կազմակերպությունները իրենց գործունեության արդյունքում ստանում են տոկոսային հասույթ, շահաբաժին կամ սեփականությունից ստացված այլ եկամուտներ, չմատուցելով կամ մատուցելով նվազագույն ծառայություններ և չստանալով ծառայությունների մատուցման համար վճարներ: Այս ենթադասը ներառում է` - բաց ներդրումային ընկերությունների գործունեություն - փակ ներդրումային ընկերությունների գործունեություն - վարկերի, գույքային կամ գործակալական հաշիվների կառավարում բենեֆիցիարների անունից, վարկային պայմանագրերի, մտադրությունների և միջնորդական պայմանագրերի հիման վրա - միավորների վարկավորում հավատարմագրային հիմնադրամների կողմից: Բացառվում է` - վարկեր, դրամական միջոցներ տրամադրող կազմակերպությունների գործունեությունը, որոնց հասույթն ստանում են ապրանքների վաճառքից և ծառայությունների մատուցումից, դասակարգվում է հիմնական գործունեության համապատասխան դասերում - հոլդինգ-ընկերությունների գործունեությունը, տես 64.20 - կենսաթոշակային ապահովությունը, տես 65.30 - հիմնադրամների կառավարումը, տես 66.30

Այս ենթադասը ներառում է` - ֆինանսական վարձակալություն (լիզինգ), երբ այն մոտավորապես ընդգրկում է ակտիվների ենթադրյալ ծառայության ժամկետը և երբ վարձակալը հիմնականում ստանում է դրանց օգտագործումից բոլոր օգուտները և ստանձնում է բոլոր ռիսկերը, կապված դրանց տիրապետման հետ: Ակտիվները կարող են կամ չեն կարող հետագայում վերազիջվել: Նման վարձակալական պայմանագրերը ներառում են բոլոր կամ համարյա բոլոր ծախսերը, ներառյալ տոկոսները: Բացառվում է` - գործառնական վարձույթը, դասակարգվում է ըստ վարձակալության հանձնված ապրանքատեսակների, տես 77 հատվածը

Այս ենթադասը ներառում է` - սպառողական վարկերի տրամադրում - երկարաժամկետ ֆինանսական փոխառությունների տրամադրում արդյունաբերությանը - միջազգային առևտրի ֆինանսավորում - դրամական փոխառությունների տրամադրում բանկային համակարգից դուրս - բնակարանների ձեռքբերման համար վարկերի տրամադրման մասնագիտացված կազ­մակերպությունների գործունեությունը, որոնք չեն իրականացնում ավանդների ընդունում և տեղաբաշխում: Բացառվում է` - բնակարանների ձեռքբերման համար վարկերի տրամադրման մասնագիտացված կազմա­կերպությունների գործունեությունը, որոնք իրականացնում են նաև ավանդների ընդունում և տեղաբաշխում, տես 64.19 - գործառնական վարձույթի և վարձակալության (լիզինգի) հետ կապված գործունեությունը, դասակարգվում է ըստ վարձույթով հանձնված ապրանքատեսակների, տես 77 հատվածը - անդամության վրա հիմնված այլ կազմակերպությունների գործունեությունը, տես 94.99

Այս ենթադասը ներառում է` - այլ տեսակի ֆինանսական միջնորդության ծառայություններ, հիմնականում կապված այլ ֆինանսական միջոցների տարաբաշխման հետ, բացառությամբ փոխառությունների տրամադրումը` սվոպների, օպցիոնների և ֆինանսական այլ գործիքների հետ կապված գործառույթներ - ֆյուչերսային գործառնություններ իրականացնող ընկերությունների գործունեություն - սեփական միջոցներով ներդրումային գործունեություն` կազմակերպություններում ռիսկային (վենչուրային) կապիտալի ներդրում, ներդրումային ակումբների և այլնի գործունեություն: Բացառվում է` - ֆինանսական վարձակալությունը, տես 64.91 - այլ անձանց անունից արժեթղթերի հետ գործառնությունները, տես 66.12 - անշարժ գույքի առուվաճառքը, սեփականություն հանդիսացող կամ վարձակալված անշարժ գույքի հանձնումը վարձակալության և այլ գործառնությունները, տես 68 հատվածը - վարձավճարների գանձման և վարկային գործառնությունների վերաբերյալ հաշվետվությունների կազմման գործունեությունը, տես 82.91 - անդամության վրա հիմնված այլ կազմակերպությունների կողմից անհատույց փոխատվությունների (նպաստների, դոտացիաների) տրամադրումը, տես 94.99

Այս ենթադասը ներառում է` - կյանքի ապահովագրության մշտական պարբերական մուծումների և ապահովագրական պոլիսների, անաշխատունակության, պատահական մահի կամ անդամահատման արդյունքում եկամուտների կորստի ապահովագրական պոլիսների վճարումների (զգալի խնայողության տարրով կամ առանց դրան) երաշխավորված տարաբաշխում

Այս ենթադասը ներառում է` - բացի կյանքի ապահովագրությունից, այլ ապահովագրական ծառայությունների մատուցում` դժբախտ պատահարներից և հրդեհներից, հիվանդություններից, շրջագայության, սեփականության, ցամաքային, ջրային, օդային փոխադրումների, ֆինանսական միջոցների կորստի, քաղաքացիական պատասխանատվության և այլ

Այս ենթադասը ներառում է իրավաբանական անձանց (կենսաթոշակային ապահովության համակարգերի, հիմնադրամների և/կամ ծրագրերի), որոնց գործունեությունն ուղղված է կենսաթոշակային եկամուտներով ապահովմանը բացառապես իրենց ծառայողների կամ կազմակերպության անդամների համար: Այն ներառում է որոշակի եկամուտներով կենսաթոշակային ապահովության համակարգերը, ինչպես նաև անհատական համակարգերը, որտեղ եկամուտները ուղղակիորեն որոշվում են անդամի կատարած վճարումներով: Այս ենթադասը ներառում է` - ծառայողի եկամուտների համակարգեր - կենսաթոշակային հիմնադրամներ և համակարգեր - կենսաթոշակների վճարման համակաեր: Բացառվում է` - կենսաթոշակային հիմնադրամների կառավարումը, տես 66.30 - պարտադիր սոցիալական ապահովագրության համակարգերը, տես 84.30.0

Այս ենթադասը ներառում է` - ֆինանսական շուկաների գործում և դրանց գործունեության վերահսկում, բացառությամբ պետական մարմինների կողմից իրականացվող վերահսկողությունը` ապրանքափոխանակման պայմանագրերի, ապրանքափոխանակման ժամկետային համաձայնագրերի կնքում, արժեթղթերի փոխանակում, ֆոնդային բորսաների գործունեություն, ապրանքների և արժեթղթերի օպցիոնային բորսաների գործունեություն

Այս ենթադասը ներառում է` - այլոց հանձնարարությամբ ֆինանսական շուկաներում գործառնությունների իրականացում (օրինակ` բորսային բրոքերների ծառայություններ) և դրա հետ կապված գործունեություն - արժեթղթերի հետ կապված միջնորդային գործառնություններ - ապրանքային պայմանագրերի հետ կապված միջնորդային գործառնություններ: Բացառվում է` - սեփական միջոցներով ֆինանսական շուկաներում գործառնությունների իրականացումը, տես 64.99 - վարձատրությամբ կամ պայմանագրային հիմունքով հիմնադրամների կառավարումը, տես 66.30

Այս ենթադասը ներառում է ֆինանսական միջնորդությանն առնչվող օժանդակ գործունեությունը, չներառված ուրիշ խմբավորումներում՝ - ֆինանսական գործառնությունների (տրանսակցիաների) պրոցեսինգ և կարգավորման գործունեություն՝ ներառյալ վարկային քարտերով իրականացվող գործառնությունները, - ներդրումային հարցերով խորհրդատվական ծառայություններ - հիպոթեքային վարկերի հարցերով խորհրդատուների և միջնորդների գործունեություն - վստահված անձանց, ֆիդուցիարների և պահառուների ծառայություններ վճարովի կամ պայմանագրային հիմունքով: Բացառվում է` - ապահովագրական գործակալների և միջնորդների գործունեությունը, տես 66.22 - հիմնադրամների կառավարումը, տես 66.30

Այս ենթադասը ներառում է ապահովագրության հետ կապված կազմակերպական ծառայությունների տրամադրումը (օրինակ` պայմանագրային ռիսկերի գնահատումը և վնասների փոխհատուցումը)` - ապահովագրական պահանջների գնահատում` հիմնավորվածության ստուգում, ապահովագրերով փոխհատուցվող վնասների և կորուստների չափսերի գնահատում, վնասի գնահատում, փոխհատուցման վճարների համար թույլատրության տրամադրում - ապահովագրական պահանջների կարգավորում: Բացառվում է` - անշարժ գույքի գնահատումը, տես 68.31 - այլ նպատակների համար գնահատումը, տես 74.90 - հետաքննությունների անցկացումը, տես 80.30

Այս ենթադասը ներառում է` - վաճառքի, բանակցությունների վարման կամ միջնորդության, ապահովագրական և վերաապահովագրական պայմանագրերի կնքման գործակալների և միջնորդների գործունեություն

Այս ենթադասը ներառում է ապահովագրության և կենսաթոշակային ապահովության հետ կապված կամ ապահովագրությանն անմիջական առնչվող գործունեությունը (բացի ֆինանսական միջնորդության, ապահովագրական հայցերի կարգավորման, ապահովագրական գործակալների գործունեության)` փրկված ունեցվածքի կառավարումը, այլ ապահովագրական ծառայությունները: Բացառվում է` - ծովի նավերի փրկարարական գործունեությունը, տես 52.22

Այս ենթադասը ներառում է հիմնադրամների կառավարման հետ կապված գործունեությունը վարձատրությամբ կամ պայմանագրային հիմունքով անհատների, իրավաբանական անձանց և այլոց համար՝ - փոխադարձ հիմնադրամների (ներդրումային ընկերությունների կողմից կառավարվող բաց բաժնետիրական հիմնադրամներ) կառավարում - այլ ներդրումային հիմնադրամների կառավարում - կենսաթոշակային հիմնադրամների կառավարում